الدفع عند الاستلام هو الطريقة الأشهر للشراء أونلاين في مصر، وهو كمان أكتر حاجة بتتعب شركات الشحن: فلوس كتير في الشارع، ومندوبين كتير، وتجار كتير، وكل واحد عايز حسابه مظبوط.
مشكلة الكاش في شركات الشحن
المندوب شايل فلوس طول اليوم، والتاجر مستني فلوسه، وإنت في النص. ولما الحسابات تبقى على ورق أو واتساب، أي غلطة بتبقى خناقة، وأي تأخير في التسوية بيخلّي التاجر يفكر يروح لشركة تانية.
درب بيحسبها إزاي؟
- على كل شحنة: قيمة التحصيل متسجّلة من ساعة ما الطلب يدخل، ولو المندوب حصّل مبلغ مختلف بيتكتب في الشحنة وقت التسليم.
- عهدة المندوب: السيستم بيجمع اللي حصّله كل مندوب ولسه ما سلّموش، طول اليوم.
- تسليم النقدية: المندوب يسلّم الكاش وبيتسجّل التسليم بالمبلغ والوقت ومين استلم.
- تسوية التاجر: كل تاجر ليه كشف بالشحنات اللي اتسلّمت والمبالغ المستحقة له بعد خصم مصاريف الشحن، وتقدر تطلّعه إكسل.
التاجر يشوف حسابه بنفسه
من بوابة التجار، التاجر يتابع شحناته وتسوياته أول بأول، فبتقل جدًا المكالمات اللي بتسأل «فلوسي فين؟»، وبيزيد ثقته فيك.
تقارير يوم بيوم
نسب التسليم والمرتجع، وأداء كل مندوب، والتحصيل اليومي، كلها في تقارير جاهزة. فتعرف مين المندوب اللي بيحصّل أكتر، وفين الفلوس اللي لسه في الشارع.
إثبات لكل تسليم
الفلوس مربوطة بتسليم حقيقي: كل شحنة بتتقفل بكود العميل (OTP) ومعاها مكان المندوب وقت التسليم، فمفيش تحصيل من غير إثبات.
مناسب لمين؟
لشركات الشحن اللي بتخدم تجار كتير، وللمتاجر اللي بتوصّل بمناديبها، ولأي شركة عندها كاش في الشارع كل يوم وعايزة تنام وهي عارفة كل جنيه فين.
ابدأ أول تسوية
ابدأ ببلاش 14 يوم، ارفع طلبات تاجر واحد، وخلّي آخر اليوم أول تسوية على درب.